1

 لاتحزني يمه لصدى الحرمان

ابـد لا تـحزني يـمه اذا خـانتني رجـليني
واذا كـلٍ شـكى هـمّه وانـا همي بقى فيني
واذا خـنجر صداقتهن غرس حده وسط قلبي
واذا عـكازتي خـافت مـن انها تسند ايديني
ولا تـبكين يـا "يـمه" اذا عمري غدى دفتر
وكــلٍ يـمزع اوراقـه ولا ظـنه يـكفيني
ابد لا يجزع احساسك لا شفتي البعض يجرحني
واذا ضـاع الوفا فيهن وضاعت معهن سنيني
عـلى ضـيم الجفا ابقى تنازع روحي الحسرة
واحـس الـظلم يـا امـي يقطع من شراييني
بـسيطة كل الم جسمي تحملته وانا اضحك لك
لـكن الـخوف يا يمه من احساسٍ سكن فيني
يـا حـيف الطيب بالدنيا يضيع وينتهي عمره
يـموت الـطيب يـا يـمه وانا فقري يبكيني
شـيهم ان خـانت الدنيا اذا ارجع لك مثل اول
احـط راسي على صدرك واعرفك ما تخونيني
.................................................. ....................
2

قالت أحبك لشاعر الامير عبد الرحمن بن مساعد

قالت احبك
واحضنتي ثم ٍ قالت من انت ؟؟
وضحكت .. ثم ٍ بكت
ثم ٍ حكت .. ثم ٍ سكتت
ثم ٍ قالت لي من انت !!

اللي جرى .. ماهو غريب
الزمن فعله .. عجيب
نسّاها اسمي ..
نسّاها حبي ..
نسّاها دمعي ..
في يوم انا ..
في احضانها طفل وحبيب !!

ياهي جرحتني .. يوم نكرتني
حاولت اداري عبرتي .. بس ماقويت
خانتي دموعي .. وبكيت
وبعدت عنها واتبعتني وامسكت يدي
واحضنتي ومسحت دمعتي من فوق خدي
رجعت البسمه لشفاي
نسيت انا همّي وشقاي
صرخت للدرب الطويل
لا مانستني .. مستحيل
الزمن او اي شي ..
يقدر يقسيها علي
يقدر ينسيها هواي
وفجاءه سكتت
ثم ٍ ضحكت
ثم ٍ قالت لي من انت ؟

.................................................. .......

3

التمثال لشاعر حامد زيد

عفا الله عن خطا غدر الخناجر والضلوع ابطال
بسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى ما فيه احد يصبر مثل صبري بغربالك
انا عيب علي أنقض كلامي والرجال افعال
واذا قلت اقطع احبالك تراني بقطع حبالك
عشان اكسب هدب عينك تجرعت العذاب ا شكال
وليتك ترأف بحالي علشان ارأف بحالك
مسوي في حياتي شي ما يذكر ولا ينقال
حشا حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لجلك وانا حملي يهد جبال
رحلت من العذاب وما وقفت الا على جالك
علامك كل ما جيك متواضع جيتني تختال؟
معاك اليا متي بصبر وصبري معك يحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى لك
أنا محدن بجابرني أساير معك هالمنوال
ترى لاني تبيع لك ولا ني باصغر عيالك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
أبي قلبك يحس انه فقد بمحبته رجال
ملكته من هدب عين وخسرت رضاه باهمالك
صحيح ان الفراق اقسى ولكن الوصال محال
أنا صعبن علي أرضي غرورك واضعف قبالك
بعد ما حققت عيني فبعدك للرقاد امال
أعود للسهر؟ -- يا خوي فال الله ولا فالك!
ببدل نظرتك فيني واجي لك كل يوم بحال
بكون اقرب من ثيابك عليك ولا تهيا لك
بالمك وانثرك واجمعك وارجع وانثرك باهمال
بخونك وازعلك وارضيك وازعل منك وارضى لك
أبرسم بالثرى وجهك وابدفن صورتك برمال
أبشكي للعرب فرقاك واضحك عند عذالك
أبهديك الوصال فراق واهديك الفراق وصال
بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال
أبيك تذوق فنجالي وانا بذوق فنجالك
نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا --- وابشر بعد بهبال حب ما هو بهبالك
واذا قصدك تهين اسمي عشان تشمت العذال
ترى لا انته ولا غيرك --- ولا عشرة من اشكالك

.................................................. .................

يبه شلونك لشاعر سالم السيار

يبه اشلونك
ابي اتبلل بصوتك
انا وخالد نبي نتبلل بصوتك
ياغيمه ظللت عمري
ويمشي ظلالها وياي
انا ادري والله وش تسوى
حياتي قول وش تسوى
مو صح الكون يتفجر
ولون الحنى بكفي يصير اصفر
لو انت تغيب
لو انت تغيب
لو انت تغيب
يبه ..يبه لاتجفف شفاهي
من احلى كلمه بالدنيا
يبه
يبه
يبه
يبه
يبه ماقلت لك وش صار
يبه بنت صفي منيره
ابوها مات في حادث
تكلمني ترى دايم
دايم عنه تتكلم
تقول منيره افز من نومي
احسه بجنبي وهو نايم
تقول
دايم ارمي عيوني على الابواب
اقول يمكن يلملمها
ولو هو مايلملمها
باي لعبه من الالعاب
او ورده واروح اركض
واخبيها في وسط كتاب
يبه عذروبك الشارع
تسوق بسرعه مجنونه
يبه خلنا على بالك
يبه طير الفرح لاتكسر اغصونه
تجينا يعني تجينا
على موعد حبايبنا
ابيك اتشوف احساسي
وورده بيضه مغروسه وسط راسي
وكم نجمه من الابله تشب بليل كراسي
تجينا يعني تجينا
على موعد حبايبنا
ترى تبكي ثوانينا
وش تسوى حياتي
لو تغيب عني
وش تسوى
اكيد الكون يتفجر
ولون الحنى يصير اصفر

ترن
رن
اول عفون من وياي
انا خالد
من وياي
تعال استلموا الجثه
ابوكم مات في حادث
-------------------------------------

اشعار عتب وحزن

مابـيـك تبـكـي وتـعـتـذر .. ولا أبـــي تـكـثـِـر رجـــاك
ابـيـك بــس تحطـهـا فــي بـالــك إنـــي مـــا أبـيــك

ودي اسامـح غلطتـك وانسـى عـنـادك مــع خـطـاك
ودي ولـكــن غلـطـتـك اكـبــر مـــن إنـــي احـتـويــك

تـخـطـي وتـرجــع تـعـتـذر والـعــذر مايـثـبـت وفــــاك
اسلّمـك بسمـة غـلا وتصفعـهـا فــي قـسـوة يـديــك

عـذرك.. تقـول : إذا كثـر وصلـك يبـي ينـقـص غــلاك
يا فـاهـم الدنـيـا غـلـط ... هــذا عـــذر بالله عـلـيـك..؟؟

كم قلـت لـك ياصاحبـي : قلبـي تعـذب مـن قسـاك
لا تزيدني .. كافي قسى .. بس انت زدت الله يهديك

مانـي مثـل بعـض البشـر اتـرجـى واتـوسـل رضــاك
والله لــو مـوتـي بيـجـي مــن غيبـتـك مـــا ارتـجـيـك

عيشي حياتك كلها
بحلوها وبمرها
يمكن تلاقليك حبيب
يصير لجروحك طبيب
وترجع فرحتك ثاني
وتنسى الحب وتنساني
وتترك ديرة احزاني
واشوفك في ليالي الصيف
تمر جنبي كأني طيف
واشوفك مع حبيب ثاني
اشوف بعيونك الفرحة
وحزني شوه اجفاني
وقلبك انبرى جرحه
وقلبي انجرح ثاني
جلست اذكر امانينا
ودمعي حرق أوجاني
وتذبحني اغانينا
وهي جنبي مع ثاني
تضم ايدينها بيده
كأن اليوم ذا عيده
وانا يدي على خدي
وهمي والزمن ضدي
وجتني بنظرة الشفقان
تسأل ليه ذا الاحزان
وبيدها تمسح دموعي
وأطفت وقتها شموعي

----------

احلي خمسين بيت من شعر الحب والغزل 

1) وما كنت ممن يدخل العشق قلبه و لكن من يبصر جفونك يعشق .


2) أغرك مني أن حبك قاتلي و أنك مهما تأمري القلب يفعل .


3) يهواك ما عشت القلب فإن أمت يتبع صداي صداك في الأقبر .


4) أنت النعيم لقلبي و العذاب له فما أمرّك في قلبي و أحلاك .

5) و ما عجبي موت المحبين في الهوى و لكن بقاء العاشقين عجيب .


6) لقد دب الهوى لك في فؤادي دبيب دم الحياة إلى عروقي .


7) خَليلَيَ فيما عشتما هل رأيتما قتيلا بكى من حب قاتله قبلي .


8) لو كان قلبي معي ما اخترت غيركم و لا رضيت سواكم في الهوى بدلا ً .


9) فياليت هذا الحب يعشق مرة فيعلم ما يلقى المحب من الهجر .


10) عيناكِ نازلتا القلوب فكلهـــــــــــــــــــــــــــا إمـا جـريـح أو مـصـاب الـمـقـتــــــــــــلِ.


11) و إني لأهوى النوم في غير حينــــــــــــــــه لـــعـــــل لـقـاء فـي الـمـنـام يـكـــــــــون.


12) و لولا الهوى ما ذلّ في الأرض عاشـــــــــق ولـكـن عـزيـز الـعـاشـقـيـن ذلـيـــــــــل.


13) نقل فؤادك حيث شئت من الهــــــــــوى ما الــحـب إلا لـلـحـبـيــــــــــب الأول.


14) إذا شئت أن تلقى المحاسن كلها ففـــــــي وجـه مـن تـهـوى جـمـيـع الـمـحـاســـــــــن.


15) لا تحـارب بنـاظريك فــــــــــــــــــــــــؤادي فــضــعـيــفــان يــغـلــبــان قـويــــــــــا.


16) إذا مــا رأت عـيـني جـمـالـك مـقــــبــــــلاً و حـقـك يـا روحـي سـكـرت بـلا شـــرب.


17) كـتـب الـدمع بخـدي عـهـــــــــــــــــــده لـلــهــوى و الـشـوق يمـلي ماكـتــــــــــب.


18) أحـبك حُـبـين حـب الـهـــــــــــــــــــــــوى وحــبــاً لأنــك أهـل لـذاكـــــــــــــــــــــــا


19) رأيـت بهـا بدراً على الأرض ماشـيـــــاً ولــم أر بـدراً قـط يـمشـي عـلـــــــــى الأرض.


20) قـالوا الفراق غـداً لا شك قـلت لهــــــــــــم بـل مـوت نـفـسـي مـن قـبـل الـفـراق غــداً.


21) قفي و دعيـنا قبل وشك التفـــــــــــــــرق فمـا أنـا مـن يـحـيـا إلـى حـيـن نـلـتـقـــــــي.


22) قبلتها و رشـفـت خمرة ريـقـهـــــــــــــــا فـوجـدت نــارَ صــبــابةٍ فـي كـوثــــــــــــر.


23) ضممـتـك حتى قلت نـاري قد انطـفت فـلـم تـطـفَ نـيـرانـي وزيـد وقـودهـــــــــا.


24) لأخرجن من الدنيا وحبكـــــــــــــــــــــــم بـيـن الـجـوانـح لـم يـشـعر بـه أحــــــــــد.


25) تتبع الهوى روحـي في مسالكه حـتـــــى جـرى الحب مجرى الروح في الجســـــــد.


26) أحبك حباً لو يفض يسيره علــــــــــــــى الـخـلـق مـات الـخـلـق من شـدة الـحب.


27) فقلت : كما شاءت و شاء لها الهــــــــوى قـتـيلـك قـالـت : أيــهــم فـهـم كـثــــــــــــر.


28) أنـت مـاض و في يديك فـــــــــــــــــؤادي رد قـلـبـي و حـيـث مـا شــئــت فـامـضِ.


29) ولي فؤاد إذا طال العذاب بــــــــــــــــــه هـام اشــتـيـاقـاً إلـى لـقـيـا مـعـذبـــــــــــــه.


30) ما عالج الناس مثل الحب من سقـــــــــم و لا بـرى مـثـلـه عـظـمــا ًو لا جــســـــــداً.


31) قامت تـظـلـلـنـي و من عجــــــــــــــب شـمـس تــظــلـلـنـي متن الـشـمـــــــــــــس.


32) هجرتك حتى قيل لا يعرف الهـــــوى و زرتـك حـتى قـيـل لـيـس لـه صـبـــــــرا.


33) قـالت جنـنت بمن تهوى فقلت لهــــا الـعـشـق أعـظــم مـمـا بالـمـجـانـيــــــــــــن.


34) ولو خلط الـسـم المذاب بريقهـــــــــــــا وأسـقـيـت مـنـه نـهـلـة لـبـريـــــــــــــــــــت.


35) و قلت شهودي في هواك كـثيـــــــــرة و أَصـدَقـهَـا قـلـبـي و دمـعـي مـسـفــــوح.


36) أرد إليه نظرتي و هو غافـــــــــــــــــل لـتسـرق مـنـه عـيـنـي مـالـيـس داريــــــــــــا.


37) لها القمر الساري شـقيـق و إنهـــــــــــا لـتـطـلـع أحـيـانـاً لـه فـيـغــيــــــــــــــــــــــب.


38) و إن حكمت جـارت علي بحكمهــا و لـكـن ذلـك الـجور أشـهى من العـــــــدل.


39) ملكت قـلبي و أنـت فـيـــــــــــــــــــــه كـيـف حـويـت الـذي حـواكــــــــــــــــــــــــا.


40) قـل لـلأحبة كيف أنـعم بعدكــــــــــم و أنـا الـمـســافر و الـقـلـب مــقـيــــــــــــــم.


41) عـذبـيـنـي بـكـل شـيء ســـــــــــــوى الـصـدّ فمـا ذقـت كالـصـدود عـذابـــــــــــا.


42) و قد قـادت فؤادي في هـواهــــــــــا و طـاع لـهـا الفؤاد و مـا عـصـاهــــــــــــــــــا.


43) خـضـعت لـهـا في الحب من بعد عزتي و كـل محب لـلأحـبـة خـاضــــــــــــــــع.


44) و لقد عـهدت الـنار شـيـمـتها الـهــدى و بـنار خـديـك كـل قـلـب حائـــــــــــــر.


45) عـذبـي ما شئـت قـلـبـي عـذبـــــــــــي فـعـذاب الحب أسـمـى مـطـلـبــــــــــــي.


46) بعـضي بـنـار الـهـجر مـات حـريـقــا و الـبعض أضـحـى بالـدموع غـريقـــــــا.


47) قـتل الـورد نـفسه حـسداً مـنـــــــــك و ألـقى دمـاه في وجـنــتــيــــــــــــــــــــك.


48) اعـتـيـادي على غـيـابـك صـعــــــــــب و اعـتـيـادي على حـضـورك أصعــب.


49) قد تـسربـت في مـسامـات جـلــــدي مـثـلـمـا قـطرة الـنـدى تـتـســـــــــــــرب


50) لـك عندي و إن تـنـاسـيـت عـهــــــــد في صمـيـم القـلـب غـيـر نـكـيـــــــــــــث.